Hér er hægt að skoða ársreikninga félagsins.

Jón Pálsson hefur verið ráðinn fulltrúi markaðsmála hjá Austurbrú. Hann er með MS próf í viðskiptafræði frá Háskóla Íslands, með áherslu á stjórnun- og stefnumótun, frá árinu 2010 og diploma próf frá Endurmenntun HÍ í rekstrar- og viðskiptafræði frá 2004. Síðustu þrjú ár hefur hann starfað sem framkvæmdastjóri sprotafyrirtækisins NeckCare sem þróað hefur nýja aðferð við að greina hreyfigetu fólks með hálsskaða. Helstu verkefni hans voru gerð markaðs- og viðskiptaáætlana auk þess að sjá um framkvæmd ISO vottunar. Hann er einnig annar að hugmyndasmiðum GreenIceland verkefnisins sem hefur að markmiði að efla atvinnu- og nýsköpun innan græna hagkerfisins á Íslandi. Þar á undan var hann framkvæmdastjóri Hins íslenska biblíufélags til þrettán ára. Eiginkona hans er Sigríður Matthíasdóttir, sjálfstætt starfandi sagnfræðingur.

Jón hefur þegar hafið störf hjá Austurbrú.

Jón tekur við starfi Árnýjar Bergsdóttur sem hverfur til annarra starfa í Reykjavík, sem sölustjóri hjá Kynnisferðum/Reykjavík Excursions. Hún mun láta af störfum um miðjan næsta mánuð en mun nýta næstu vikur til að koma Jóni inn í starfið.

Úthlutað var úr Vaxtarsamningi Austurlands 15. maí s.l. Alls bárust 20 umsóknir um styrk að upphæð 51.271.143 kr. Eftirtalin verkefni hlutu styrk:

Næsti umsóknarfrestur í Vaxtarsamning Austurlands verður sunnudaginn 3. nóvember 2013. Skilyrði fyrir fjárstuðningi úr Vaxtarsamningi Austurlands er að viðkomandi verkefni tengist markmiðum og áherslum samningsins og eru umsækjendur beðnir um að kynna sér samninginn vel.

Ragnheiður Ingibjörg Elmarsdóttir er sálfræðinemandi við Háskóla Akureyrar. Hún hóf námið haustið 2011, hefur stundað það allt á Reyðarfirði og hyggst klára það með BA-prófi 2014.

Ragnheiður segir að fjarnám hafi verið hennar eini kostur: „Það kom ekki til greina að flytja með fjölskylduna og mig langaði ekki til að flytja af staðnum,“ segir hún.