Markaðsstofa Austurlands er sjálfseignarstofnun sem stofnuð var 7. febrúar 1999 af sveitarfélögum á Austurlandi og ferðaþjónustuaðilum.  Starfssvæðið nær frá Vopnafirði í norðri til Djúpavogshrepps í suðri, auk þess nær svæðið til hálendisins norðan Vatnajökuls og Möðrudals.  Henni er ætlað að kynna og markaðssetja Austurland sem eina heild.

Starfssvið Markaðsstofu Austurlands er í dag þríþætt: að sinna upplýsingagjöf, markaðssetningu og þróunarstarfi auk þess að hafa umsjón með viðburðum í fjórðungnum.

 1.      Upplýsingamiðlun

Markaðsstofan rekur landhlutamiðstöðin á Egilsstöðum sem er opin allt árið. Markaðsstofa Austurlands er rekstraraðili upplýsingamiðstöðvarinnar og er rekstur hennar aðskilinn í bókhaldi félagsins. Samstarfsaðilar um upplýsingamiðstöðina eru Ferðamálastofa og Fljótsdalshérað (sem heimasveitarfélag). Þessi aðilar eiga allir sæti í sérstöku fagráði um rekstur upplýsingamiðstöðvarinnar.

Upplýsingamiðstöðin er landshlutamiðstöð fyrir Austurland. Hlutverk hennar er tvíþætt;

 1.  Upplýsingamiðlun: Að taka við og miðla upplýsingum og kynningarefni til ferðamanna og ferðaþjónustuaðila á Austurlandi.

 2.  Upplýsingadreifing: Að taka við og dreifa kynningarefni af Austurlandi til annarra landshlutamiðstöðva, svæðismiðstöðva og innlendra sem  erlendra söluaðila

• Að leitast við að gera dvöl ferðamanna sem ánægjulegasta og hvetja þá til að kynna sér möguleika fyrir ferðamenn á Austurlandi (með von um að lengja dvöl þeirra)
• Að veita sem bestar upplýsingar um þjónustu á svæðinu og svæðið sjálft.
• Að svara almennum fyrirspurnum um landið í heild og viðkomandi svæði eða vísa fyrirspurnum til réttra aðila.
• Að dreifa bæklingum til ferðamanna og til annarra upplýsingamiðstöðva, auk þess að vera öðrum upplýsingamiðstöðvum á svæðinu til stuðnings um gögn, upplýsingagjöf og þjálfun starfsfólks.
• Að gefa ferðaþjónustuaðilum  á markaðssvæðinu kost á að kynna starfsemi sína í húsnæði upplýsingamiðstöðvarinnar í þar til gerðum bæklingarekkum. 
• Að skrá upplýsingar um þá aðila sem til upplýsingamiðstöðvarinnar leita.

2.      Markaðssetning og þróunarstarf 

Markaðssetningin skiptist í eftirfarandi þætti:

• Kynning á ferðaþjónustu á starfssvæði Markaðsstofu Austurlands í ræðu og riti;
• Þátttaka á kaupstefnum og ferðamálasýningum innanlands og jafnvel erlendis;
• Útgáfa á ímyndar- og upplýsingaritum um Austurland;
• Skipulagning auglýsingaherferða og samræming á útgefnu upplýsingaefni.
• Markaðssetning viðburða
• Að reka upplýsingavef um Austurland fyrir erlenda sem innlenda ferðamenn og helst með bókunarkerfi

 Þróunarstarfið skiptist í eftirfarandi þætti:

• Að veita ferðaþjónustuaðilum og sveitarfélögum ráðgjöf og leiðbeiningar
• Að stuðla að auknum gæðum í ferðaþjónustu á svæðinu m.a með fræðslu
• Að efla samstarf og samvinnu ferðaþjónustuaðila meðal annars með sameiginlegri markaðssetningu viðburða svo sem Páskafjörs, Daga myrkurs og Jóla á Austurlandi
• Að stýra stefnumótum og framkvæmdaáætlun í ferðamálum
• Að ýta undir nýsköpun og vöruþróun í ferðaþjónustu.
• Að standa fyrir fræðslu, námskeiðum og málþingum fyrir ferðaþjónustuaðila
• Að stuðla að söfnun upplýsinga og reka gagnagrunn yfir ferðaþjónustuaðila og framboð
• Að sinna rannsóknum og könnunum á ferðaþjónustu á Austurlandi
• Að leita eftir auknu fjármagni í atvinnugreinina og sameiginleg verkefni
• Að vinna með öðrum í stoðkerfinu við eflingu ferðaþjónustunnar.